Thu. May 23rd, 2019

स्थानीय निकायमा कार्यरत कर्मचारीको यस्तो मनोमानी

सबैको जानकारीको लागी, एक पटक अवश्य सेयर गरौं

चन्द्रनिगाहपुर ।

स्थानीय निकायको निर्वाचन नजिकदै गरेर स्थानीय निकायमा जनप्रतिनिधि आउनै लागेको अवस्थामा स्थानीय निकायमा कार्यरत कर्मचारीको मनोमानी बढेर गएको छ । रौतहटका बिभिन्न नगरपालिका र गाँउपालिकाका कर्मचारीले पछिल्लो समय सरकारले तोकेको खरिद नियमावली बिपरित सवारी साधान किन्ने होडबाजीनै चलेको छ । बिना कोटेशन केही गाँउपालिकाका हाकिमले चन्द्रनिगाहपुर स्थित बजाज शोरुमबाट मोटरसाईकल खरिद गरेको समाचार स्रोतले बताएको छ ।

चन्द्रपुरनगरपालिकाले समेत सोमबार एकथान मोटरसाइकल खरिद गरेको छ । बिना कोटेशन मोटर साईकल खरिद गरिएको भन्ने बिषयमा चन्द्रपुरनगरपालिकाका कार्यकारी अधिकृत मिठाराम हुमागाँइले राज्यको निति र नियममा बसेर सवारी साधान खरिद गरिएको बताए । केही सचेन स्थानीय नागरिकले भने मनोमानी तरीकाले मोटरसाईकल खरिद गरिएको जानकारी दिएपछि सो बिषयमा हुमागाईसँगको कुराकानीमा उनले सो कुरा बताएका हुन् ।

चन्द्रपुर नगरपालिका कर्मचारीले चढने दुई थान मोटरसाईकल समेत निजी नम्बर प्लेटमा रहेको भन्ने बिषयमा समेत हुमागाइले सुरक्षाका दृष्टीकोणले निजी नम्बर प्लेट राखिएको र आफुले तत्कालनै सरकारी नम्बर बनाउन निर्देशन दिने बताए । यता केही गाँउपालिकाका हाकिमहरुले पछिल्लो समयमा कार्यालयका समाग्री खरिदमा समेत व्यापक अनियमितता गरेको आरोप लाग्दै आएको छ ।

सबैको जानकारीको लागी, एक पटक अवश्य सेयर गरौं

Leave a Reply

Your email address will not be published. Required fields are marked *

13 visitors online now
0 guests, 13 bots, 0 members