लोकमान, सर्वोच्च र राजनीतिक नेतृत्व

रोशन पोखरेल

सर्वोच्च अदालतले अख्तियार प्रमुख लोकमान सिंह कार्कीको घरमा पुर्जी टास्नका लागी ठुलै पापड बेल्नु पर्यो l एउटा सबैधानिक निकायले अर्को सबैधानिक निकायका प्रमुख बिरुद प्रक्रिया अगाडी बढाउदा धेरै पटक असफल भएको महसुस गर्नुपर्यो l मुलुकको सर्वोच्च सस्था भनेको सर्वोच्च अदालत हो l उसको त यो हालत छ भने आम जनताले ठुला बढा विरूद उत्रिनु भनेको बालुवामा पानी हाले सरह नै हुने देखिन्छ l गल्ती र कमजोरीको कुरा गर्ने हो भने कोही पनि तल माथी देखिदैन l कानुनलाई आफ्नो ढंगबाट विश्लेषण गरेर आफु अनुकुलको व्याख्या गर्ने धेरै छन् l लोकमान र सर्वोच्च अनि जनताका प्रतिनिधि भनौदा दलहरु यसकै एउटा उदाहरण हुन् l खासमा भन्ने हो भने लोकमान अकस्मात यो स्थानमा पुगेका भने होइनन् l उनलाई नेपालको संरचनाले गर्दा यो ठाउँमा पुग्ने मौका मिलेको हो l यति कुरा राजनीतिक दलहरुले नबुझेको पनि होइन तर समस्या यहाँ निर छ की उनीहरु लोकमानलाई आफ्नो स्वार्थ पूर्तिको साधन बनाएर अगाडी बढन चाहन्थे l हाल आफुले गरेको गल्ती लोकमानले उदागर गर्ने डरले लोकमान र सर्वोच्चको रमितेको रुपमा राजनीतिक दलहरु बसिरहेको देखिन्छ l हाम्रो देश नेपाललाई चार जात छतीस वर्णको साझा फूलबारी, गौतम बुद्ढ र सर्वोच्च शिखर सगरमाथाको देश भनि गर्वका साथ भन्ने गरिन्छ तर राजनीतिक दलहरुको गलत प्रकरणले देश बिकासको बाटोमा अघि बढनुको साटो उदोगति तर्फ मोडीएको जस्तो देखिन्छ l केही दिन अघि लोकमान सिंह कार्कीले आफु बिरुद सर्वोच्चमा मुदा परेपछि त्यसका विरूद लडाकु शिविर प्रकरणको मुदा तिन वर्ष पछि उठाएका थिए l साच्चै गर्ती गर्नेलाई सजाय दिनुपर्छ तर आफु बचे अरुलाई बचाउने अनि समस्यामा पर्ने भएपछि अर्कालाई पनि पारि दिने, यो कस्तो न्याय हो ? के हामी आम नेपाली जनताले चाहेको नयाँ संविधान यही हो र ? राजनीति भनेको सुव्यवस्था निर्माण गर्ने प्रणाली हो तर हाम्रो देशमा सत्तामा पुग्ने खेल बनिरहेको छ l राजनीति भन्ने बितिकै सत्तामा पुग्नु पर्छ भन्ने होइन तथापी सत्तामा पुगेर प्रणाली निर्माण र सस्थापित गर्न सहज रहन्छ l संविधान सम्मत किसिमले कानुन बनाई कानुनको प्रभावकारी प्रयोग गर्ने मुख्य काम राजनीति गर्नेहरुको हो तर राजनीतिक दलहरु आजको दिनमा राजनीतिको मुलधार बिर्सेर पैसा र शक्तिको कुटिल धन्दामा लागी रहेका छन् l उनीहरुका आसेपासे एवम चाकरी बाजहरु यही धन्दाबाट फाइदा लुटीरहेको पाइन्छ जसका लागी संविधानको पालना भन्ने चिज त खोलाले बगाए सरि भएको छ l

admin

Leave a Reply

Your email address will not be published. Required fields are marked *

12 visitors online now
2 guests, 10 bots, 0 members